मिसिमा फूड्स कं, लिमिटेड

कम्पनी प्रोफाइल

के तपाईलाई फुरिकाकेको "युकारी" थाहा छ? यो कम्पनीले बनाउने फुरिकाके हो। जापानीहरूमा यो "युकारी" थाहा नपाउने मान्छे लगभग छैनन्। जापानी जनताले मन पराउने उत्पादनहरू बनाउने यो कम्पनी सानो निजी स्टोरको रूपमा स्थापित भएको थियो। 'राम्रो उत्पादनलाई राम्रो बिक्री विधिमा' भन्ने आधारभूत नीतिको आधारमा नवप्रवर्तन गर्ने कम्पनी बन्ने लक्ष्य राख्दै, जहिलेपनि चुनौती सामना गरिरहेका छौँ। कर्मचारीहरूको व्यक्तित्वको प्रयोग गर्ने गतिविधिहरू समावेश गर्दै, हरेक वर्ष नयाँ उत्पादनहरू विकास गर्छौं र अन्य कम्पनीहरूसँग मिलेर उत्पादनहरू सिर्जना गर्छौं। त्यस्ता कम्पनीहरूले हाल जापानमा मात्र नभई अमेरिका, चीन र थाइल्यान्डमा पनि आफ्नै उत्पादनहरू विकास र बिक्री गर्दै आएको छ र विदेशका ४४ देशहरूसम्म निर्यात दायरा विस्तार गरेको छ। प्रबन्ध निर्देशक इमामुरा उत्साहका साथ भन्नुहुन्छ,"उच्च गुणस्तरको रातो सिलामबाट मानव स्वास्थ्यमा योगदान दिन चाहन्छौं। त्यसको लागि 'युकारी' लाई विश्वव्यापी ब्रान्ड बनाउनुपर्छ र सधैं मिसिमा फूड्सको रूपमा राख्न के गर्नुपर्छ सोचेर वृद्धि नगरी नहुने भन्ने सोच्दै छु।" त्यसको लागि विदेशी महानुभावहरू व्यापार कार्य र अनुसन्धान विभागहरूमा सक्रिय हुनुहुन्छ। यस कम्पनीमा व्यापार कार्यमा सक्रिय चीनका स्योउजी गर्भका साथ भन्नुहुन्छ,"चीनमा पनि मिसिमा फूड्सको उत्पादनहरू धेरै लोकप्रिय छन्। मूल रूपमा कच्चा पदार्थ आयात गर्ने चीनसँग पुल बन्न चाहेकोले सुरुमा कम्पनीमा आबद्ध भएँ तर अहिले जसरीपनि यो "युकारी"को राम्रोपना संसारभरि एक्लै भएपनि धेरै मानिसलाई भन्न चाहन्छु।"

दैनिक जीवन र कामको सन्तुलनको पहलहरू

कम्पनीले 'मानव हेरचाह गर्ने संस्कृति' लाई कदर गर्छ। उदाहारणको लागि धेरै महिला कर्मचारीहरू बच्चा जन्माउन र बाल हेरचाहमा सक्रिय छन् (सन् २०२१ मा बाल हेरचाह बिदा लिने दर: १००%)। काममा फर्किसकेपछि बच्चा प्राथमिक विद्यालयमा प्रवेश नगरेसम्म छोटो समय काम गर्न सक्छन्, र लामो समय काम गर्न सक्ने गरी प्रत्येक व्यक्तिलाई उपयुक्त हुने कार्यशैली महसुस गरेका छौँ। थप रूपमा, घरबाटै काम गर्ने र नर्सिङ केयर बिदा प्रणाली क्रममा छन्। यसका अतिरिक्त, कम्पनीले सधैं चुनौतीहरू सामना गर्दै स्थायित्व दिनको लागि,कर्मचारीहरूले खुशी हुँदै ढुक्कका साथ लामो समय काम गर्न सक्ने वातावरण छ। "स्योउजी जस्तै कार्यस्थलमा सक्रिय हुने कर्मचारी भएर मिसिमा फूड्स वृद्धि हुन सकेको छ। नयाँ वा दिग्गज जो भएपनि कर्मचारीहरू सबैलाई सम्मान गर्छौं।"( इनामुराजी) "मिसिमा फूड्समा थोरै ओभरटाइम काम छ, तर काम र निजी जीवनलाई सन्तुलनमा राख्ने वातावरण छ। महिलाहरूलाई लामो समय काम गर्न सक्ने प्रणाली क्रममा भएकोले भविष्यमा लामो समयसम्म काम गर्न सकिन्छ भन्ने ठानेको छु। वरिष्ठहरू मानौँ कि परिवार जस्तै छन्। काम सजिलोसँग सिकाउने भएकोले सल्लाह गर्न पनि सजिलो छ।" (स्योउजी) खुसीसाथ कुरा गर्नुहुन्छ। कम्पनीसँग काम बाहिर अन्तरक्रिया गर्न सक्ने गल्फ र क्याम्प क्लब जस्ता क्लब गतिविधिहरूका प्रणाली भएकोले परिवार जस्तै सम्बन्ध बनाउँछ।

मानव संसाधन प्रशिक्षणको पहलहरू

"व्यापारिक आधारभूत शक्ति मुख्य रूपमा प्राप्त गर्ने कुरा" सँगै सधैं नवप्रवर्तन हुने गरेर "कर्मचारीहरूको लगाव र सीपलाई सकारात्मक रूपमा उपयोग गर्दै जाने कुरा" समेत गरेर कम्पनीका दुई पाङ्ग्राहरू महत्त्वपूर्ण छन् भन्ने विचार राख्ने कम्पनी। कम्पनीमा प्रवेश भएपछि पहिलो, दोस्रो र तेस्रो वर्षमा, कर्मचारीहरूले आधारभूत प्रशिक्षण र संचार शिक्षाको परिचय मार्फत व्यापारका आधारभूत कुराहरू प्राप्त गर्न सक्छन्। साथै, अध्यक्षद्वारा बनाइएको भिडियोमा अध्ययन गर्ने ई-लर्निङ प्रशिक्षण छ, कम्पनीको दृष्टिकोण र इतिहास सहितको भिडियो रमाइलोसँग सिक्ने तरिका छ। ती मध्ये, सबैभन्दा अद्वितीय "बि पक्षका गतिविधिहरू" हुन्। यो ए पक्षले कम्पनीले दिएको काम गर्ने कुरा विरुद्ध बि पक्षले व्यक्तिको विशेष सीपको प्रयोग गरी कम्पनीलाई योगदान दिने गतिविधिको कुरा हो। कामको समयमा पनि कम्पनीलाई योगदान पुर्याउने पहल हो भने त्यसलाई कार्यान्वयन गर्दा राम्रो हुन्छ। उदाहरणका लागि, कार्टुन राम्रो कोर्ने कर्मचारीहरूले बिक्रीकर्ताहरूका लागि आत्म-परिचयका पानाहरू बनाउने, र भिडियो बनाउनमा राम्रो भएका कर्मचारीहरूले कम्पनीका उत्पादनहरूका लागि स्वतन्त्र रूपमा पिआर भिडियोहरू निर्माण गर्छन्। "जसले पनि उत्पादन वा सेवामा सुझाव दिन सक्छ। कम्पनीमा आफ्नो व्यक्तित्वको मान्यता सहित योगदान गर्न सक्ने हुँदा, कम्पनी एक रमाइलो ठाउँ हुनेछ र काम पनि रमाइलो हुनेछ।" (इनामुराजी) खाना पकाउन मन पर्ने स्योउजी भन्नुहुन्छ,"म बिक्रीकर्ता हुँ, म कम्पनीका उत्पादनहरूको मेनु विकासमा सहभागी हुन्छु। त्यसको अलावा, थाइल्याण्डको लागि नयाँ उत्पादन विकास परियोजनामा ​​पनि संलग्न छु। दुबै कुराहरू बिक्रीकर्ताको रूपमा ग्राहकहरूमाझ नयाँ प्रस्तावहरू बनाउनको लागि उपयोगी छन्।"

प्रतिनिधिको मेसेज

प्रबन्ध निर्देशक इमामुरा ताचुरो

यो कम्पनी नयाँ चुनौतीहरू लिन सक्ने कम्पनी हो। साना र मझौला उद्यमहरूको थोरै कर्मचारी संख्या भएको कम्पनी हुनाले प्रत्येक व्यक्तिले आफ्नो पूर्ण क्षमता प्रदर्शन गर्न सक्ने वातावरण छ। परिवर्तन ल्याउन र चुनौतीहरू लिन चाहने व्यक्तिले अवश्य चुनौती लिनुहुन्छ भन्ने चाहन्छु। आउनुहोस् सँगैँ नवप्रवर्तन गरौं!

विदेशी कर्मचारीको मेसेज

व्यापार／स्योउ रिन (चीन)

मिसिमा फूड्समा प्रवेश गर्दासम्म, जापानमा ओभरटाइम धेरै भएर, वरिष्ठहरू फर्किँदासम्म काम छोडेर जान नसक्ने जस्तो औपचारिक इमेज थियो। तर, वास्तविकता पूर्णतया फरक, ओभरटाइम थोरै भएर स्वतन्त्रपूर्वक काम गर्न सजिलो छ। साथै, सहकर्मीहरू र वरिष्ठहरूले परिवारमा जस्तै व्यवहार गर्दा सहज वातावरण बन्दछ। नडराइकन अवश्य यसलाई चुनौती दिएर हेर्नुहोस्!