मेरो काम भनेको, कम्पनीको सर्भिस साइटलाई अझ सुधार गर्नु हो। म हाल, HTML,CSS र Java स्क्रिप्टहरू आदिलाई संयोजन गरेर Web पेज बनाउने, फ्रन्ट-एन्ड इञ्जिनियरको भूमिका खेल्नुका साथै सर्भर प्रणाली र डेटाबेसको प्रणालीको विकास र डिजाइन गर्ने आदि ब्याक-एन्ड इन्जिनियरको दुबैको भूमिका खेल्दैछु। सधैँ कम्पनीको व्यापार विस्तारको लागि, राम्रो उत्पादन, सेवा र नयाँ सूत्रहरूको निर्माणको इच्छाका साथ काममा कडा मेहनत गर्छु। काम गाह्रो भएर काम अड्किने अवस्था पनि धेरै थिए। तर सेकाई ल्याबको ग्लोबल पेज पूरा गर्दा धेरै खुशी लाग्यो।
काममा उत्कृष्ट सीनियरहरूबाट नयाँ सीपहरू सिकेर, आफ्नो सीपहरू सुधार्दै काम गर्न सक्ने कुरामा आकर्षणको अनुभव गरें। भविष्यमा, सिस्तमको विकास गर्न र अपरेट गर्न सक्ने फुल स्टक इन्जिनियर बनेर अशक्त बच्चाहरूको जीवनयापनलाई सहज बनाउने एप्लीकेसन र सफ्टवेयरको विकास गर्न चाहन्छु।

टोक्यो मेरो लागि आरामपूर्वक कार्य गर्ने वातावरण प्रदान गरि दिने ठाउँ जस्तो लाग्छ। किनभने, सबै भन्दा पहिलो कुरा टोक्योको विकसित यातायात प्रणाली एकदम सुविधाजनक छ। मेरो जन्म स्थान बंगलादेशको राजधानी ढाकामा जहिले पनि निकै ट्राफिक जाम हुने भएर समयमा काममा पुग्न अथवा मान्छेलाई भेट्न धेरै गाह्रो हुन्छ। तर, टोक्योमा ट्रेनहरू धेरै छन् र सडकहरू पनि राम्ररी व्यवस्थित गरिएकाले जहाँ पनि योजना अनुरुप जान सकिन्छ। त्यसैले, समयको प्रभावकारी ढंगले प्रयोग गर्न सकिनुको साथै, काममा बिना थकान जान आउन सकिने भएकोले काममा ध्यान दिन सकिन्छ ।
दोस्रो कारण, टोक्योमा आफ्नो क्षमतालाई वृद्धि विकास गर्न सक्ने वातावरण भएकोले हो। टोक्यो बंगलादेश जस्तो छैन। यहाँ धेरै अनुभवी इन्जिनियरहरू छन्।
म तिनीहरूसँग काम गरेर नयाँ प्रविधिहरू सिक्न सक्छु। साथै, टोक्योमा पुस्तकालयहरू र किताब पसलहरूमा ठूलो संख्यामा प्राविधिक किताबहरू राखिएका छन्। छिटो स्पिडको इन्टरनेटले गर्दा जानकारीहरू प्राप्त गर्न सजिलो छ। त्यसैले आफैले अध्ययन गर्दै आफ्नो ज्ञानलाई वृद्धि गर्ने वातावरण भएको कुरा पनि आकर्षक कुरा हो कस्तो लाग्छ।

मेरा बुबा ढाकामा जापानी कम्पनीमा काम गर्नु हुन्थ्यो। त्यसैले धेरै काम गर्ने, कामको दायित्व महसुस गर्ने जापानीहरूको काम गर्ने तरिकामा पहिले देखि नै रुचि राख्दै थिएँ। विश्वविद्यालयबाट स्नातक गरेपछि, जापानीहरूको काम गर्ने तरिका बारे सिक्न जापानमा काम गर्न मन लागेर, IT कम्पनीले तयार गरेको जापानी भाषा कक्षामा सामेल भएर जापानी भाषा सिक्न थालेँ।
मैले मोनस्टर ल्याबका कार्यालय प्रमुखले शाखा स्थापना गर्न बंगलादेश भ्रमण गरेको बेलामा टोक्योमा काम गर्ने मौका हात पारेको थिएँ। त्यस समयमा कार्यालय प्रमुखले भर्खरको जवान र प्रतिभाशाली व्यक्ति खोज्दै थिए। बंगलादेशमा, जापानमा काम गर्न चाहेका इन्जिनियरहरू धेरै भएका कारणले, कार्यालय प्रमुखले IT कम्पनीको जापानी भाषा कक्षामा सहभागी भई राखेको, हामीहरुलाई अन्तर्वार्ताको मौका दिनु भयो।
मोनस्टर ल्याबको कार्यालय प्रमुखको कुरा सुनी राखेको बेलामा, कार्यालय प्रमुखको विचारधारा “IT प्रविधि प्रयोग गरेर अशक्त बच्चाहरूलाई मद्दत गर्न चाहन्छु” भन्ने कुरा मेरो भविष्यको सपनासँग मिल्दोजुल्दो थियो।
साझा भावना भएको कार्यालय प्रमुखको अन्तर्गतमा काम गर्ने भनेको, आफ्नो सपनालाई साकार बनाउने ठूलो पाइला हुनेछ जस्तो लाग्छ। फेरी, मोनस्टर ल्याबमा अनुभवी इन्जिनियरहरू धेरै हुनुका साथै चुनौतीको अवसरहरू धेरै दिने कुरा पनि आकर्षक कुरा थियो। मेरो लागि,मोनस्टर ल्याबमा छिरेर जापानमा काम गर्नु भनेको ठूलो चुनौती थियो। तर म आफूलाई विकास गरेर, सपना साकार पार्न चाहन्छु भन्ने दृढका साथ मनोनयन गरें। त्यसपछि म ढुक्क सँग छनौट हुन सफल भई जापानमा आएँ।

टोक्योमा आउनु भन्दा पहिले काम राम्ररी गर्न सकिन्छ कि सकिन्न, नयाँ वातावरणमा घुलमिल हुन सकिन्छ कि सकिन्न भनेर एकदम चिन्ता लागेको थियो। तर, वास्तवमा टोक्योमा आएर हेर्दा, टोक्योको सडकमा फोहर नभएको, भवनहरूको भित्र पनि राम्रो सफाई गरिएको, सुन्दर शहर हो जस्तो लाग्यो। साथै जहाँ पनि सजिलै सँग जान सकिने, सुरक्षित र धेरै सुविधाजनक ठाउँ हो जस्तो लाग्यो।
मलाई टोक्योमा सबैभन्दा आकर्षक लागेको कुरा भनेको ट्रेन हो। किनभने, टोक्योको ट्रेनले टोक्यो शहर भित्र मात्र नभई, नजिकैका शहरहरूलाई पनि जोडिएर, विभिन्न ठाउँहरूमा सजिलै सँग जान सकिने भएर हो। बंगलादेशमा अहिलेसम्म ट्रेन छैन। त्यसैले बंगलादेशको साथीहरू जापानमा आउँदा,सबैभन्दा पहिले ट्रेनको अद्भुतताको परिचय दिन चाहन्छु।
साथै, टोक्योमा मेरो मनपर्ने ठाउँहरू धेरै छन्। म प्राय: ट्रेनबाट बाहिर जान्छु। सिबुया र गिन्जामा भएका धेरै फेसनेबल पसलहरू र स्वादिष्ट रेस्टुरेन्टहरू मन पर्छ। चुकिजीमा विभिन्न जापानको माछाहरू र माछाका परिकारहरू हेर्न सक्नुहुन्छ। त्यसैले एकदम रमाइलो लाग्छ। पहिले, कम्पनीको सहकर्मीसँग चुकिजी गएको बेलामा, सुसि बनाउने अनुभव गरें। वास्तवमा सुसिको सामग्री काट्ने, सुसिको भातको आकार बनाउने कुरा मेरो लागि पहिलो अनुभव भई मनमा छाप बसि राखेको छ। फेरी, मलाई प्रकृतिले भरिपूर्ण पार्कहरू भएको मेगुरो र उएनो पनि मन पर्छ। टोक्यो शहरको बावजुद पनि, हरियालीले भरिएका थुप्रै पार्कहरू भएकोले मलाई स्फूर्तिको अनुभूति भयो।