Q. म काम गर्ने ठाउँसम्म कसरी जान सक्छु?

A.टोक्योमा सार्वजनिक यातायात बिकास भएकोले धेरैले रेल, बस वा यस्तै अन्य कुनै माध्यम चलाएर काम गर्ने ठाउँसम्म जान्छन्। रेल मोटामोटी समय तालिकाअनुसार नै चल्छ अनि काममा पुग्न ढिलो हुँदैन। बिहान काममा जाने मानिसहरूको चाप धेरै हुने हुँदा अझै धेरै रेल सेवाको तालिका बनाइएको छ जुन 3 देखि 5 मिनेटको अन्तरालमा रेल छुट्छ। धेरैभन्दा धेरै मानिसहरू सहज तरिकामा काममा जान सकुन् भनेर यस्तो प्रबन्ध मिलाइएको हो। हिजो आज केही कम्पनीहरूले कर्मचारीले रश आवरबाट जोगिएर सजिलोगरी काममा आउन सकोस् भनेर बेग्ला बेग्लै समयमा काममा आउन सक्ने अनुमति दिएका छन्। साथै रिमोट वर्क वा बेग्ला बेग्लै समयमा काममा जान प्रोत्साहन दिइएको कारणले पहिलाभन्दा रेलभित्र मानिसहरूको भीडभाड कम भएको छ।

स्रोत: टोक्योको पर्यटन आधिकारिक वेबसाइट
GO TOKYO यातायात जानकारी: रेल