मेमो

कम्पनीले गैर-जापानी उम्मेदवारहरूलाई काममा राख्न चाहेको छ कि छैन भनेर तपाईँलाई थाह छैन भने नि?

जापानमा पदपूर्तिसम्बन्धी सूचनामा कुनै राष्ट्रियता तोकेर पदको लागि विज्ञापन दिनु कानुनविपरीत हो। आवेदन दिन लागेको जागिर आफ्नो देश वा क्षेत्रसित सम्बन्धित छ कि छैन भनेर थाह पाउन "कामको विवरण" जाँच्नुपर्छ र आफ्नो स्थानीय भाषा वा अन्य विदेशी भाषा आवश्यक छ कि छैन भनेर थाह पाउन "आवेदनका आवश्यकताहरू" जाँच्नुपर्छ। कुनै-कुनै रोजगारदाता कम्पनीले गैर-जापानी आवेदकहरूलाई खोजेको पनि हुन सक्छ। साथै त्यस विवरणमा "जापानी भाषा दक्षता आवश्यक छ" भनेर बताइएको छ भने त्यो पद सम्भवतः विदेशी आवेदकहरूलाई लक्षित हुन सक्छ।