मैले गर्ने खर्चमध्ये सबैभन्दा धेरै खर्च घर बहाल र खानामा हुन्छ।
पहिलो चोटि टोक्यो आउँदा मैले एउटा कोठा भाडामा लिएको थिएँ तर बहाल खर्च कम गर्न अहिले म मेरो एक जना साथीसित बस्छु।
खानेकुरामा हुने खर्चसम्बन्धी कुरा गर्ने हो भने बाहिर एक छाक बिहानको खाना खाँदा लगभग 500 देखि 800 येन खर्च हुन्छ भने बेलुकाको खाना बाहिर खाँदा लगभग 800 देखि 1500 येन खर्च हुन्छ। तर म बेलुकाको खानाको लागि आफ्नै देशको परिकार पकाउँछु अनि बिहानको खानाको लागि टिफिनमा हालेर लान्छु। यसो गर्दा खर्च जोगिन्छ।
केही चिजहरू टोक्योमा सस्ता छन्, जस्तै: औषधीहरू, विद्युतीय उपकरणहरू, क्यान्डी, चस्माहरू आदि। यहाँ सबै सामानहरू 100 येनमा पाइने पसल पनि छ। त्यो पसलमा दैनिक प्रयोगका सामानहरू निकै सस्तोमा किन्न पाइन्छन्। टोक्योमा विभिन्न प्रकारका सामानहरू पाइन्छन्। त्यसैले म सस्ता पसलहरू र सस्तो सामानहरू खोजेर किन्ने गर्छु।